DIMS AUDIO LECTURES DOWNLOAD!!! DOCTOR'S INSTITUTE OF MEDICAL SCIENCES IS THE LEADING INSTITUTE IN MEDICAL EDUCATION IN PAKISTAN SERVING FROM LAST 11 YEARS, FOUNDED BY TWO PIONEERS DR.ABBAS (MD, USA) AND DR. AHMAD MURTAZA (FCPS AND MRCP, UK). NO MATTER FROM WHERE WE TAKE GUIDANCE, EACH AND EVERY PMDC / PMC PREP. STUDENT DESIRES TO HAVE ACCESS TO THEIR NOTES AND AUDIO LECTURES. AS I'VE STATED IN MY ARTICLE "MY JOURNEY TO PMDC" , I ALSO BEGAN MY SUCCESSFUL JOURNEY WITH THEM. IN ORDER TO DOWNLOAD DIMS NOTES VISIT, THIS DIMS NOTES PAGE. ITS, FREE!!! PMDC IS CONVERTED TO PMC , NEB LICENSE EXAM IS CONVERTED TO NLE BUT DIMS AUDIO LECTURES ARE STILL IN DEMAND. THAT IS THE BEAUTY OF A WELL- KNOWN INSTITUTE AND REMARKABLE TEACHERS. WITH ALL DUE RESPECT, AND GIVING ALL COPYRIGHTS CREDIT TO THE DIMS PIONEERS. MY BLOG SERVES FRESH FOREIGN MEDICAL GRADUATES AND LOCAL MEDICAL GRADUATES. ON YOUR DEMAND, HERE ARE; DIMS AUDIO LECTURES. THE LECTURES FILE SIZE IS 25 GB
48 hours- vicious/virtous cycle?
zindagi ka maqsad tou wo pehle hi talash kr chuki thi.
Science ki jadeediyat ne aj humen kis khadar global bna dia hai k hum apne ghr bethe hi doosre mumalik ki saer krlete hain aur apne pyaron se guft o shaneed bhi bs ungliyon ki zara harkat se ek touch ki doori pr hgai hai.
Ek zehen hai jis mn is khayaal ne janam liya hoga aur kayi zehen hain jo is ek takhleeqi khayal ki takmeel ka zariya banay hngay.
apne mobile mn mojoud 360 degree cameray se har simt ka jaiza lete huwe wo in sochon mn ghark hgayi aur bht der tk usay khamosh harkat diye manazir se dil behlati rhi.
Har janib chehel pehel aur zindagi ki bhag dor thi. Ek shor tha. Hungama sa. Yun lag raha tha jaise har shakhs kisi uljhan men ghar se nikla hai. Sooraj ki shuwaon se chamakta huwa us shakhs k maathay ka paseena aur sath hi parne wali shikan, us k labon ki sakat aur tez qadam.
"Oh ye shakhs tou meri janib araha hai" palak jhapakte hi uske peeche ek rail a kr ruki aur wo usay dekhe bina hi us mn sawar huwa aur phr ye ja wo ja.
Rail se anay walay musafiron ki us bheer mn ek nojawan shakhs hath mn tuntuna liye kuch door apni folding chair khol us pr beth gya. har simt manazir tabdeel ho rahay thay.
Asa lag rha tha k ub sare log us taraf muttawajja hn gay pr asa na huwa. Haqeeqatan us bhag dor ka hissa wo b thi lekin uske andar k tajassus ko na janay us dhun se kis trha suroor mila k wo door usi platform pr kharay apne lens ko zoom krti hui us nojawan ko dekhne lagi. gandumi rang aur halki halki bhoori darhi, jaise khizan k baad ek nayi subha, ous ki bondun pr parne wali suraj ki kirnoun mn chamakta huwa wo ankhon ko tamazat bakhsta huwa sabza.. kali rang ki ainak lgae betha ek khush shakal nojawan. Magar ye kia.. "ek safaid laathi??"
Lamhay bhar mn wo dhun apna manzar tabdeel krne lgi. Wo shakhs nabeena tha. Ub yun lag rha tha jaise us shakhs ne apne tamam dukh yakja kr k ye masroor dhun tayyar ki ho.
Bs inhi kch manazir mn khoi uski wapsi ki rail ka waqt hgaya aur wo apna bag latkaye us mn sawar hgayi.
"Shukar hai aj bethne ki jaga mili".
Kuch hi minton ki masafat k baad wo ghar phnch gayi thi.
***************************
"Ya Khuda, ye neend kun nhi aati"
Ub kia krna tha mobile na dekhne ki tou qasam kha rakhi thi. Kuch der tou yun hi letay chet aur pankha dekhti rhi lekin akhir kb tk dekhti.
akhir ko mobile utha hi liya.
"Kia karun?" , "hm..playlist"
Bs phr kia tha, kaanon men handsfree aur zehen k dareechon men utarte huwe alfaaz usay humesha ki trha kisi doosri hi dunya men le gye.
"Bazeecha e atfaal hai dunya mere aagay
Hota hai shab o roz tamasha mere aagay"
Dopeher k manazir, ghazal k ashaar aur uske zehen men uthne walay un khayalaat men na janay kb us ne handsfree utar diye ,phir kia tha, wo thi aur wohi daira. Thapaeren maarta huwa Masbat aur manfi khayalaat ka bhanwar. (Vicious/Virtous cycle)
"Zindagi kis qadar rawan hai".
Tamaam ehbaab se raabta munqata kiye huwe poore 48 hours hgae thay.
Lekin kisi ka na message tha na hi koi phone call. agle hi lamhe kal honay wali phli guftugu se wo muskura uthi "Aray bhae kahan ghayab ho, do din se online nhi ai ho larki".
Aur phr mun hi mun mn badbadai.
"Ahha.. log bhi kia khoob htay hain"
technology ne raabton ko jahan asaan bnaya hai wahan rishton ko utna hi bey rabt bhi. Bs dil k behlanay ko hum rozana isay utha lete hain aur jhunjhunay ki trha baja k khel liya krte hain aur phr is khof se k kahin apka wo dost shikayat na krde aur humen us awkward moment se guzarna na par jaye"chalo men hi pouch lun" jaisa ek khayal unko is takalluf se bharpoor lafzon kay ek majmoway ko takhleeq krne pr majbooran aamada kr hi leta hai. jis ka umooman ehsaasat aur fikr se koi taaluq nhi hota.
apni zaat men kuch talaash krti wo bht der tk karwatain badalti rhi. "chalo kch b ho, pouch tou lete hain" ye keh kr phr khamosh hgai aur muskura kr ek bar phr handsfree kaanon mn lga liye. Is dafa wo khoob ley men gunguna bhi rahi thi.
"is ek jumlay ne itna sukoon kun dia"?
"Kia hi ho agar zindagi k har mor par, pehli soch hi masbat ajaye" tez raftaar waqt men jahan kuch log bs bhag rahay hain wahan kuch laakh takaleef k bawajood bhi apne gird o nawa k mahol ko khushnuma bnane ki koshish kar rahay hain. Aur bht dheeme se lehje men ankhen band krti mun hi mun men badbadai jis se mjhy ye guman huwa k keh rhi hai "Shayad kisi ko wo nabeena shakhs hi nagawar guzra ho"
Pas un adtalees ghanton ki majlisi khamoshi se kuch yun acha zaroor hogaya k uske zehen k tamam goshon k zavyay durust hogaye.
Tehreer, Dr.Shadab Kamal